> 
गाेरखाबाट काठमाडौं आउँदै गरेको फिस्टेल एयरको हेलिकप्टर सम्पर्कविहीन
श्रावण २४, २०७३- गोरखाको फिलिमबाट काठमााडैं आउँदै गरेको फिस्टेल एयरको हेलिकप्टर सम्पर्कबिहीन भएको छ । काठमाडौं बिमानस्थल आउन १६ किलोमिटर बाँकी हुँदा हेलिकप्टर सम्पर्कविहीन भएको हो ।
फिस्टेल एयरको अल्फा किलो अल्फा नाइनएन एकेए साइन भएको हेलिकप्टर सुत्केरी महिलालाई उपचारको लागि काठमाडौं ल्याउन हेलिकप्टर गोर्खा पुगेको थियो । हेलिकप्टरमा एक बालकसहित ५ यात्रु छन् । हेलिकप्टर क्याप्टेन रञ्जन लिम्बुले चलाएका थिए ।
हेलिकप्टर हराएकाे अाशंका गरिएकाे बेतिनी क्षेत्र ।
हेलिकप्टर १२ बजेर २२ मिनेटदेखि सम्पर्कबिहीन भएको त्रिभुवन बिमानस्थलका फ्लाइट डिपार्टमेन्ट प्रमुख सुधीर चौधरीले जानकारी दिए । उनले हेलिकप्टर नुवाकोट क्षेत्रमा आइपुगेर सम्पर्कविहीन भएकाले त्यस क्षेत्रमा खोजी कार्य सुरु गरिएको बताए ।
सम्पर्कबिहीन बनेको हेलिकप्टरको खोजीमा गएको मनाङ एयरको अर्को हेलिकप्टर भारी वर्षाको कारण फर्किएको छ भने फिस्टेलकै अर्को हेलिकप्टर खोजीका लागि पठाइएको छ ।
चौधरीले नुवाकोटको बेतिनी जंगलमा धुँवा आइरहेको अपुष्ट खबर प्राप्त भएको बताए ।
प्रकाशित: श्रावण २४, २०७३
- रुकुम›समाचार
- › खम्बु बोहरा
सबै शव शिक्षण अस्पताल ल्याइयो
श्रावण २४, २०७३- नुवाकोटको बेतनीस्थित चुच्चेभीरमा दुर्घटनामा परेको फिस्टेलको हेलिकप्टरमा ज्यान गुमाउने सबैको शव शिक्षण अस्पताल महाराजगञ्जमा ल्याइएको छ ।त्रिभुवन विमानस्थलका निमित्त महाप्रवन्धक सुधीरकुमार चौधरीका अनुसार ५ बजेर १५ मिनेटमा फिस्टेलकै अर्को हेलिकप्टरबाट सबै शव पोष्टमार्टमकालागी ल्याइएको हो । फिलिमबाट १२ बजेपछि काठमाडौंका लागि उडेको उक्त हेलिकप्टरमा चालकसहित ७ जना थिए ।सुत्केरी महिलाको उद्धारका लागी त्यहाँ गएको यो हेलिकप्टरले १२ बजेर ३१ मिनेटमा टावरसँग अन्तिम संवाद गरेको थियो । अन्तिम सम्पर्क टुटेको करिब १ घन्टापछी काठमाडौंबाट गएको फिस्टेलकै हेलिकप्टरले दुर्घटनास्थल पहिचान गर्दै त्रिभुवन अन्तर्राष्ट्रिय विमानस्थललाई जानकारी दिएको त्यहाँको खोज तथा उद्धार केन्द्रले जनाएको छ ।
