> 
कक्षा १२ विज्ञानमा ७३.७७ प्रतिशत उत्तीर्ण
श्रावण २३, २०७३- राष्ट्रिय परीक्षा बोर्ड (एनईबी) ले कक्षा १२ को विज्ञान र संस्कृत (वेदविद्याश्रम) विषयको नतिजा आइतबार सार्वजनिक गरेको छ ।
गत बैशाख दोस्रो सातादेखि भएको परीक्षामा विज्ञान समूहबाट नियमित र आशिंक गरी ५० हजार ३ सय ८४ जनाले परीक्षा दिएका छन् ।
नियमिततर्फ सहभागी ४० हजार ६ सयमध्ये २९ हजार ९ सय ५२ परीक्षार्थी उत्तीर्ण छन् । यो उत्तीर्ण संख्या ७३ दशमलब ७७ प्रतिशत हो ।
त्यसैगरी आंशिकतर्फ सहभागी ९ हजार ७ सय ८१ मध्ये ४ हजार ४ सय १४ जना उत्तीर्ण छन् । यो ४५ दशमलब १३ प्रतिशत हो ।
नतिजालाई बोर्डको वेबसाइट एनईबी डट जीओभी डट एनपीमा हेर्न सकिने छ । त्यस्तै, नेपाल टेलिकमको १६०१ मा डायल गरेर एसएमएस मार्फत जानकारी लिन सकिने छ ।
प्रकाशित: श्रावण २३, २०७३
http://bit.ly/2aEoyOk