चौध अञ्चल पचहत्तर जिल्लाको नाम
सम्झने गीत
===============
=====================
ताप्लेजुङ पाँचथर जिल्लामा
झर्यो इलाम झापाको किल्लामा
चिया सस्तो छ पुगेर फर्कनु
मेची कस्तो छ ??
संखुवासभा भोजपुर तेह्रथुम
धनकुटाको विकास भो लौ उधुम
मोरङ सुनसरी
कोशीको तिरमा पुगौँ कसरी ??
ओखलढुङ्गा सोलु र उदयपुर
मनको धोको खोटाङ छ जाने सुर
सगरमाथा गेट
सप्तरी काटेर सिराहामा भेट ॥
महोत्तरी दोलखा रामेछाप
जनकपुरमा सीताको ठूलो छाप
धनुषाको दाई
सिन्धुली पुगेर झर्नोस् सर्लाही ॥
पर्सा अनि मकवानपुर त्योबारा
हात्ती गैँडा चितवनमा छन् सारा
नारायणी पुल
रौतहट पुगेर परेँ रनभुल्ल ॥
सिन्धुपाल्चोक काठमाडौँ ललितपुर
नुवाकोट काभ्रे र भत्तपुर
बाग्मतीको तिर
धादिङ र रसुवा लाग्छ जान पिर ॥
लमजुङ आउनु मनाङ्गे नानी
गोरखा स्याङ्जा जानेकि नजानी
अञ्चल गण्डकी
कास्की र तनहुँमा वित्यो जिन्दगी ॥
रुपन्देही अर्घा नवलपरासी
पाल्पा हुदैँ गुल्मीमा गएसी
कपिलवस्तु गाउँ
लुम्बिनी अञ्चल बुद्ध खेल्ने ठाउँ ॥
वाग्लुङ भन्थे नेपाल जस्तो छ
पर्वत म्याग्दी हेरौँला कस्तो छ
धौलागिरीमा
मुस्ताङे स्याउ खाउला पाए फ्रिमा ॥
रुकुम रोल्पा सल्यानको त्यो वन
दाङ पुग्ने कसरी डराछ यो मन
अञ्चल राप्ती
प्युठान जानलाई छैन आपत्ती ॥
हुम्ला जुम्ला मुगुको राराताल
कालीकोटे नानीको के छ हाल
डोल्पा यस्तै छ
कर्णाली अञ्चलमा हिउँ सेतै छ ॥
जाजरकोट भेरीको छेउछाउ
दैलेखबाट सुर्खेत जाने दाउ
वर्दियाको फाँट
फुर्सद भएमा बाँके जाने आँट
अछाम डोटी बझाङ बाजुरा
कैलालीमा झरौँ न हजुर
सेती अञ्चल
पाँच जिल्ला घुमेर मन भो चञ्चल ॥
बैतडी र त्यो डडेल्धुरामा
होला भेट कञ्चनपुरमा
छुट्ला दार्चुला
महाकाली नदीमा पुगी फर्कौल
>